| 左手踭腫了痛了幾日
尋日仲發覺手踭的關節位除咗腫 仲變硬咗
呢兩日爸爸媽媽上嚟探我同嚟玩
我仲同佢哋講 死喇 呢舊肉腫到好似硬咗咁 係唔係啲咩細胞呀?!
佢哋都話我傻咗 呵
結果去咗平時打開飯嘅骨傷科醫院度幫襯
醫生話係網球肘 問我平時係咪拎開重嘢同'打'電腦
我話重嘢就係最近呢2個星期要拉'趟籠'鎖門
用電腦就一定架啦, 要做功課
佢反而問我咩叫' 趟籠'
唔係呀, 你醫院隔離成堆西關大屋 嗰啲門咪係'趟籠'囉...
好明顯唔係本地人啦 (雖然我都唔係...)
跟住佢就問我使唔使'報銷'(即係claim) 保險
真係醒啦
我話要呀
佢就話網球肘係慢性嘅 驚我個保險claim唔到
話同我寫係跌親 左肘扭傷
心裡面俾咗個'服'字佢 佢實在太醒啦
但係佢下一句竟然話要吊3日針
「3日...咁多, 唔吊得唔得?」
埋單嗰陣300幾蚊吊3日針同敷3日藥
心裡面想再俾多個字佢 ...「deeeee」
仲叫我tue夜晚再覆診
我驚連銀包都有事呀 乾肝化添...
所以都係應咗佢先 到時先算
呢兩日老豆老媽子上嚟唔係食就係瞓 然後趁無咁曬去行街
悠悠閒閒咁 如果我退休有得咁relax就好啦~
等我chur多一兩份嘢先 |
| |
| 19 Jul 08
呵呵 住咗呢度差不多兩個月, 終於比我o係廣州上到xanga啦,
(鳴謝kenny嘅link, 不過你早啲send我會更加appreciate囉)
啱啱過咗7個禮拜
10個星期嘅實習都就到尾聲啦
好快就完啦
呢個時候, vicky就好開心咁倒數
我就勁唔開心咁見住啲日子過,
因為咁短時間就要做哂所有嘢
Mission Impossible!
尋日supervision用咗成個晏晝加OT咗2個鐘
又傾case, 小組同mass
好多呀!
因為一個星期開2節小組, 又有2隻case(一隻active)
所以勁多paperwork要做
今日有...6份!
要同自己打氣, 唔好瞓, 做快啲
而家真係金睛火眼,
嘩, 殘到無人有 (不過一定唔會因為咁而無朋友!)
期待墾丁之旅呀~ |
| |
| 19 May Grad din. 相比上兩次的Grad din. 這次有很不同的感覺 以前的Grad din在完成了public exam 心情極度舒泰的情況下出席 看到了平常少見的斯文樣子 這次的Grad din氣氛很輕鬆 casual wear也是我們的style 感覺也很舒服 當看見大伙兒也準備向畢業旅行出發 向就業市場邁步的時候 自己彷彿是'稚嫩'的小伙兒 還在愁oversea placement的安排 還在想念家中incomplete的paper們 最糟的不是這個 是沒有帶相機跟大伙兒玩snap shot 很多很多的畫面temporarily snap shot在腦海 memory又有多久 我想再snap shot一次來記住和大伙兒在一起的畫面 然而有些畫面似乎超出我的想像 Catherine依舊記得我這半個師妹 依舊記得是她'收'了我入BU 一個沒有另一個老師會問我的問題 只有她由year 1一直問到year 3 我仍然答no的問題 我曾經嘗試過 努力過 去令自己答yes 不過做不到 原諒我 這個no的答案 在grad din中真的很諷刺 |
| |
| 一個有意思的測驗 (http://www.myfootprint.org/) 究竟你要用幾多個地球先應付到你現時的生活方式 
如果我食素嘅話會節省更多地球資源 但我嘅生產力肯定會低好多 朋友們 請珍惜地球資源! |
| |
